Un Lugo moi frouxo naufraga en Miranda de Ebro
O equipo de Fran Justo afúndese na clasificación logo da derrota por 2-0 no campo dun rival directo
Malas sensacións dun Club Deportivo Lugo que naufragou no campo do Mirandés e acabou perdendo por 2-0. As sensacións non foron boas durante todo o partido e o resultado reflectiu o que aconteceu sobre o campo.
Cun gol en cada tempo o equipo de Joseba Etxeberría sentenciou a vitoria. Raúl (minuto 30) marcou o primeiro e Raúl Navas anotou o segundo no 62. O máis preocupante foi o pouco dano que fixo o Lugo na porta contraria, sen apenas achegamentos e só reaccionando cando estaba dous goles abaixo.
É a cuarta derrota nos últimos cinco partidos do Lugo. Outro dato preocupante é que só marcou un gol nesas cinco xornadas. Está máis sólido en defensa pero a costa de xerar moi pouco en ataque.
