Troco de líder en motos no recomezo do Dakar

Reanudouse o Dakar despois da xornada de descanso, e fíxoo con cambio de liderado nas motos.

A sétima etapa gañouna José Ignacio Cornejo e Barreda foi terceiro, pero o novo líder da xeral é o francés Adrien Van Beveren. Eduardo Iglesias rematou esta etapa a máis dunha hora da cabeza.

Nos coches gañou Sebastian Loeb, que quere darlle emoción ás últimas etapas, pero so puido quitarlle cinco minutos a Al-Attiyah, e segue a 45 minutos.

Fuertes e Vallejo non tiveron sorte intentando ascender na xeral, seguen no 27º posto.