Tiroteo e secuestro en Sanlúcar de Barrameda
Tiroteo e secuestro en Sanlúcar de Barrameda
Localizan nunha estrada con varios disparos a persoa que presuntamente era secuestrada horas antes na barriada
A vítima, en estado grave, foi trasladada ao hospital
Dous homes encapuchados e armados acurralan a vítima no seu coche. Tras realizar varios disparos, obrígano a entrar nunha furgoneta e foxen do lugar. O suceso era presenciado por varios veciños.
"Había tres coches, os encapuchados pararon o coche, dispararon e levárono", conta un veciño. Outra engade que eran dous encapuchados.
Os feitos ocorreron a plena luz do día e a escasos metros do colexio que hai na barriada.
"Nos isto nunca o vivimos". "Aquí nunca pasou algo así", aseguran os veciños.
Horas máis tarde, a vítima era localizada nunha estrada con varios disparos. Trátase dun cidadán marroquí de 33 anos.
"Segundo din, foi un axuste de contas", comenta unha veciña.
Esta é a liña de investigación coa que traballa a policía. De momento non houbo detencións. A vítima ingresou en estado grave no hospital.
