Terceira vitoria seguida do Coruxo, que xa mira cara aos postos de ascenso

Chiqui fíxose grande en Fragoselo e acabou resultando decisivo na vitoria ante o Arousa. Súas foron as mellores ocasións do Coruxo no primeiro tempo, nas que unhas veces Álex Cobo e outras a falta de precisión impediron que os vigueses marchasen con vantaxe ao descanso.

Chiqui seguiu facendo das súas nada máis volver da caseta, como por exemplo, o gol que abría o camiño do triunfo logo dunha magnífica acción individual no minuto 65. A entrada de Youssef na segunda parte deulle claridade ao ataque verde, como confirmou Mateo Míguez marcando o dous a cero tras un pase do marroquí.

O tres a cero definitivo chegaría no tempo engadido, noutra nova xogada individual, esta vez de Aarón, que percorre sesenta e metros antes de bater a Alex Cobo.

Terceira vitoria consecutiva do Coruxo que supera o Arousa na clasificación.