Tapia: "O equipo está a crecer, segue sumando"

O internacional peruano Renato Tapia valorou como positivo o punto sumado polo Celta ante o Raio, no partido que supuxo a súa volta aos terreos de xogo un mes despois de caer lesionado no partido contra o Cádiz.

“Creo que Claudio atopou iso que estabamos a buscar polas características dos xogadores que temos, ser protagonistas co balón e ir polo partido desde o principio. O equipo está a crecer, seguimos sumando e iso é o máis importante”, comentou o centrocampista.

O internacional peruano entrou no partido tras o descanso para actuar como centrocampista.

“Estou contento por volver e por axudar onde me toque”, subliñou Tapia.

Dixo estar contento co rendemento do equipo porque se está “identificando” coa idea de xogo do novo adestrador. Neste sentido, o futbolista do Celta afirmou que o equipo está a dar “o cen por cento” nos adestramentos para certificar a permanencia en LaLiga canto antes.