O Celta aposta para o ataque polo internacional suizo Seferovic
O Celta aposta para o ataque polo internacional suizo Seferovic
Non estaba a xogar no Galatasaray e o Benfica cédeo ao club vigués
Conseguiu pasar dos vinte goles en dúas temporadas na Liga Portuguesa
O dianteiro internacional suízo Haris Seferovic chegou a Vigo para someterse ao habitual recoñecemento médico e, en caso de superalo, pechar a súa fichaxe polo Celta, onde xogará o que resta de tempada cedido polo Benfica.
O futbolista estaba a préstamo desde o pasado verán no Galatasaray, pero a entidade portuguesa decidiu cortar a súa cesión pola falta de minutos na Süper Lig (378 repartidos en dez partidos, 0 goles) para aceptar a oferta do Celta. No Benfica tivo moi boas temporadas anotando máis de vinte goles na 18-19 e na 20-21.
No conxunto celeste, Seferovic vivirá a súa segunda experiencia na liga española tras o seu paso pola Real Sociedade no curso 2013-14 (24 partidos, 817 minutos e dous goles). É o primeiro reforzo invernal do Celta tras a saída de Denis Suárez ao Español.
