Santi Gegunde, especialista en fases de ascenso que busca ese obxectivo coa Sarriana
Leva sete disputadas e hai tres temporadas axudou ao ascenso do Vilalbés a Segunda Federación
O domingo xoga a Sarriana na casa do Pulpileño. Ida da final polo ascenso á 2ª Federación. Santi Gegúndez é dianteiro da Sarriana, hai dúas temporadas ascendeu co Vilalbés.
Hai oito anos, Santi Gegunde foi premiado por lanzar unha pelota fóra coa meta baleira para que atendesen o porteiro rival. Hoxe o dianteiro é loado na Sarriana por marcar once goles que lle permiten soñar co ascenso e igualar o seu mellor rexistro goleador en categoría nacional.
O dianteiro é un especialista neste tipo de fases. De feito, leva sete disputadas e hai tres temporadas axudou ao ascenso do Vilalbés a Segunda Federación. Polo tanto, Gegunde pretende compartir esa experiencia co resto de compañeiros para axudarlles a afrontar este tipo de encontros.
"Hai que darlle importancia a todos os momentos de partido".
No horizonte aparece o Pulpileño, un equipo do que Santi ten boas referencias.
"Case non encaixan goles pero é difícil conternos durante moitos minutos".
Como no lugar onde comezou de neno, Santi espera seguir marcando en Pulpí.
