Sánchez acusa o PP de recortar a sanidade pública e Feijóo critica a politización

Na sesión de control ao Executivo, Pedro Sánchez aseguraba que "mentres este Goberno reforza o Sistema Nacional de Saúde, con mil millóns de euros á atención primaria en 2022 e 2023, o que fan onde gobernan é recortar e derivar á sanidade privada a moitos dos pacientes. Vostedes insultan á cara os profesionais sanitarios que se manifestaron o domingo polas rúas de Madrid".

Mentres que o líder popular respondía: "Lamento a politización constante e o uso partidista do sistema sanitario público e a desacreditación do Goberno central ás comunidades autónomas que xestionan os servizos sanitarios no noso país. É moi doado falar, é máis difícil xestionar".