Ros marcha do Lugo reclamado por Albés para o Albacete
O central xogou ás ordes do adestrador galego no Celta B e no cadro lucense
O Lugo e o Albacete chegaron a un acordo para o traspaso do central Juan Antonio Ros ao cadro manchego. Foi unha petición de Rubén Albés dun xogador da súa total confianza co que coincidiu no Celta B e ao que xa chamara para formar parte da defensa do cadro lucense.
O xogador de 26 anos foi un dos defensas máis empregados a temporada pasada (31 partidos, todos eles de titular). Malia non ter experiencia na categoría demostrou ter o nivel para a Segunda División logo de acumular moitas experiencias na Segunda B. Na categoría de bronce xogara nos filiais do Barcelona, do Celta e do Vilarreal cos que estivo nos 150 partidos xogados.
|OFICIAL| 📄
— Club Deportivo Lugo (@CDeportivoLugo) July 25, 2022
👉 O #CDLugo e o @AlbaceteBPSAD acordan o traspaso de Juan Antonio Ros @JA_Ros22.
🖇️ https://t.co/UDKmVTEx9Q#ForzaLugo pic.twitter.com/mdufNEe8Zz
