Rafa Benítez contaba coa peor porcentaxe de vitorias dos últimos 80 anos
Tras oito meses de traballo, o seu último partido foi ante o Real Madrid
O técnico madrileño chegou o pasado verán a Balaídos como unha forte aposta da nova presidenta para a tempada do Centenario
O Celta e Rafa Benítez separan os seus camiños tras oito meses. Nun comunicado o club celeste envía o seu "sincero agradecemento a Rafa Benítez e o seu corpo técnico pola implicación, honestidade e profesionalidade que mostraron desde a súa chegada ao club".
"O Celta quere ademais desexarlles moita sorte e éxito no futuro".
𝗢𝗙𝗜𝗖𝗜𝗔𝗟 📣 Rafa Benítez y el RC Celta separan sus caminos.
— RC Celta (@RCCelta) March 12, 2024
Nuestro más sincero agradecimiento a @rafabenitezweb y su cuerpo técnico por la implicación, honestidad y profesionalidad que han mostrado desde su llegada al club.
¡Mucha suerte y éxito en el futuro!
O técnico madrileño chegou o pasado verán a Balaídos como unha forte aposta da nova presidenta para a tempada do Centenario. Asinou un contrato por tres tempadas, pero a mala dinámica do seu equipo, con só dous puntos de vantaxe sobre o descenso, acelerou a súa saída.
Rafa Benítez, contaba coa peor porcentaxe de vitorias dos últimos 80 anos e unicamente dous puntos de vantaxe sobre a zona de descenso.
A forma de entender o fútbol do técnico nunca casou co celtismo e, nas últimas semanas, o seu distanciamento dos pesos pesados do vestiario acelerou a súa saída, pedida por un sector do celtismo nos últimos partidos.
Benítez, o adestrador mellor pagado da historia da entidade celeste, deixa ao Celta con 24 puntos na táboa, dúas máis que o Cádiz, que pecha a zona de descenso. Baixo a súa dirección, o equipo galego unicamente gañou 5 partidos en 28 xornadas.
O novo adestrador do equipo vigués debutará o vindeiro domingo no Sánchez Pizjuán contra o Sevilla.
