Paso de xigante do Arenteiro para acadar o ascenso de categoría

Que este Arenteiro non vai de broma sabémolo desde hai moitas xornadas. Pero diante do Valladolid Promesas deu un paso de xigante á procura do ascenso de categoría. Gañou por 0-2, sácalle doce puntos e a diferenza de goles ao seu adversario e con só trinta máis en xogo. Tamén lle favoreceu o empate do Compostela diante do Polvorín. 

Javi Rey dispuxo un partido moi serio no que impediu os ataques do rival. Sabía que algunha ocasión ía chegar e apareceu no treito final da primeira parte. O gol de Escobar no 41 deulle moita tranquilidade aos do Carballiño. 

Na segunda parte aumentaron a diferenza cun autogol de Kike Ríos e deixaron a sensación de non pasar apuros en ningún momento do encontro e de ter a situación sempre controlada.