Ourense C.F. 0-0 Athletic, hai prórroga no Couto
Nun campo enlamado, os galegos gozaron das mellores oportunidades na primeira parte
O Ourense CF xoga co Athletic Club de Bilbao nos dezaseisavos de final de Copa do Rei e busca seguir avanzando na competición ante un dos conxuntos máis gañadores desta.
Tras deixar no camiño a Real Oviedo e Xirona FC, o sorteo deparou que os vascos visiten O Couto nunha noite cun cheo absoluto e con 10.000 espectadores nas bancadas.
A chuvia e a lameira do céspede do Couto condicionaron o encontro. Na primeira metade, os galegos gozaron das mellores ocasións cun remate de Adri Pérez e unha acción ben resolta en defensa por Dani Vivian.
Os de Valverde gozaron dalgunha oportunidade, pero non tiraron a porta nos primeiros 45 minutos.
No segundo tempo, o Athletic saiu con máis forza, máis dominio e máis oportunidades. Con todo Padilla fixo unha gran parada no minuto 60 que evitou o gol do Ourense.
Valverde non tivo máis remedio que sacar a Nico Williams no minuto 68. Aí chegou a mellor ocasión dos bilbaínos cunha cabezada de Guruzeta ao pau longueiro. A catro minutos do final Alberto fixo un parador a disparo do menor dos Williams.
O Ourense non baixou os brazos e puido gañar cun tiro de Omar que rexeitou a defensa vasca. Non houbo goles nos 90 minutos e houbo que xogarse unha prórroga
