Publicador de contidos

Publicador de contidos

Óscar Rodríguez di que afrontan o partido ante a Real coma unha final

Óscar Rodríguez di que afrontan o partido ante a Real coma unha final

Sobre Brais Méndez dixo: "É un xogador moi bo que aquí o fixo moi ben. Na Real está espléndido, e ímolo ter en conta para tentar que faga o peor partido posible"

Foto @RCCelta
G24.gal 13/10/2022 17:32 Última actualización 13/10/2022 18:41

O futbolista do Celta Óscar Rodríguez sinalou esta tarde en conferencia de prensa que o equipo está con "boas sensacións" tras facelo "moi ben" fronte ao Barcelona.

"Imos saír a dalo todo (contra a Real Sociedade) e a afrontalo coma unha final para levar os tres puntos".

Mostrouse contento coa volta de Eduardo Coudet, que é "moi importante" para eles, dixo.

Rodríguez sinalou respecto á súa posición que se ve ben tanto por dentro como en banda.

"Estou contento de sumar minutos, e, se o adestrador conta comigo, estou disposto a xogar na posición que sexa. Con tal de xogar, estou feliz de sumar minutos", dixo.

Asegura que aos poucos se vai sentindo "mellor e máis preto" da súa mellor versión.

"Estou a ter bos minutos, pero aínda se pode mellorar moitísimo. Para o meu mellor rendemento aínda queda bastante porque sempre un pode dar moito máis" profundou.

Óscar non considera que sexa un xogador comparable a Brais Méndez, para o que tivo palabras de eloxio: 

"É un xogador moi bo que aquí o fixo moi ben. Na Real está espléndido, e ímolo ter en conta para tentar que faga o peor partido posible, xa que iso vai beneficiarnos a nós", indicou.

Publicidade
Publicidade
Publicidade
Publicidade
Pódeche interesar