Osasuna-Athletic Club e Real Madrid-Barcelona, semifinais da Copa

Osasuna-Athletic Club e Real Madrid-Barcelona, son as dúas eliminatorias de semifinais da Copa do Rei, segundo deparou este luns o sorteo celebrado na Cidade do Fútbol de Las Rozas (Madrid).

Na eliminatoria entre o Osasuna e o Athletic Club de Bilbao o primeiro partido disputarase no Sadar; mentres que na que enfrontará ao Real Madrid co Barcelona a ida será no Santiago Bernabéu e a volta no Camp Nou.

Os partidos de ida serán o 28 de febreiro, 1 ou 2 de marzo e as voltas o 4, 5 ou 6 de abril. A final será o 6 de maio.