Os reis e Sánchez saudarán no funeral os familiares das vítimas da dina
Valencia acolle o funeral de Estado polas 237 vítimas mortais da dina do 29 de outubro de 2024 este mércores pola tarde, día en que se fai o primeiro aniversario da traxedia
O Museo das Ciencias, na Cidade das Artes das Ciencias de Valencia, foi o lugar escollido para este funeral de Estado, que reunirá unhas 800 persoas
Os reis e o presidente do Goberno Pedro Sánchez saudarán esta tarde os familiares das vítimas da dina no funeral de Estado organizado no primeiro aniversario da catástrofe. Así o indicaron a EFE fontes do Executivo que sinalaron que así figura no programa do funeral, en que se sinala que o saúdo terá lugar nunha sala adxacente despois do saúdo ás autoridades asistentes.
A cidade de Valencia acolle o funeral de Estado polas 237 vítimas mortais da dina do 29 de outubro de 2024 este mércores pola tarde, día en que se fai o primeiro aniversario da traxedia, ao que asistirán as principais autoridades do país, que estará protagonizado polos familiares dos falecidos.
O Museo da Ciencias, na Cidade das Artes e das Ciencias de Valencia, foi o lugar escollido para este funeral de Estado que reunirá unhas 800 persoas e en que os discursos correrán a cargo dos familiares de tres vítimas en nome de todas elas e do rei Filipe VI en representación do Estado.
