Os funcionarios da Xunta poderán facer trámites en liña en nome dos cidadáns que o soliciten
Rueda explicou que a medida persegue reducir a fenda dixital ante o crecente aumento dos cidadáns que usan os medios electrónicos para as súas xestións
A Xunta fará unha guía práctica de avaliación ambiental para facilitar trámites
O Consello aprobou poñer en marcha un novo servizo que permitirá que os funcionarios habilitados fagan xestións telemáticas en nome das persoas que así o soliciten.
Cando un cidadán vaia a unha oficina da Xunta poderá solicitar que un traballador realice trámites en liña por el.
"Iso non quere dicir que os funcionarios poidan ter permiso de acceso ao contido da documentación aportada polos cidadáns", explicou o presidente da Xunta, Alfonso Rueda.
Na comparecencia de prensa posterior á reunión habitual do Goberno galego, a última antes do parón estival, Rueda explicou que a medida persegue reducir a fenda dixital ante o crecente aumento dos cidadáns que usan os medios electrónicos para as súas xestións.
