O gabinete de Rueda celebra este luns o seu primeiro Consello da Xunta

O Diario Oficial de Galicia publica este luns a estrutura dos órganos de goberno da Xunta, tras a firma do decreto por parte do presidente Alfonso Rueda. 

Ese é o paso previo para que os conselleiros e conselleiras tomen posesión dos seus cargos, acto que está previsto tamén para este luns. 

Será no Salón Nobre do Pazo de Raxoi a partir das dez da mañá. O acto estará presidido por Alfonso Rueda. Ao remate da toma de posesión celebrarase o primeiro Consello da Xunta do novo Goberno.

Nova estrutura

-Vicepresidencia primeira e Consellería de Economía, Industria e Innovación: Francisco Conde López

-Vicepresidencia segunda e Consellería de Presidencia, Xustiza e Deportes: Diego Calvo Pouso

-Consellería de Facenda e Administración Pública: Miguel Corgos López-Prado

-Consellería de Medio Ambiente, Territorio e Vivenda: Ángeles Vázquez Mejuto

-Consellería de Infraestruturas e Mobilidade: Ethel Vázquez Mourelle

-Consellería de Cultura, Educación, Formación Profesional e Universidades: Román Rodríguez González

-Consellería de Promoción do Emprego e Igualdade: María Jesús Lorenzana Somoza

-Consellería de Sanidade: Julio García Comesaña

-Consellería de Política Social e Xuventude: Fabiola García Martínez

-Consellería do Medio Rural: José González Vázquez

-Consellería do Mar: Rosa Quintana Carballo