Publicador de contidos

Publicador de contidos

O PPdeG acusa o Goberno de non cumprir "os seus compromisos con Galicia"

O PPdeG acusa o Goberno de non cumprir "os seus compromisos con Galicia"

A secretaria xeral do PPdeG, Paula Prado, fala dun "0 % de cumprimento" logo de 40 días desde a reunión entre Sánchez e Rueda

G24.gal 09/09/2022 16:28

Deputados e deputadas do PPdeG no Congreso e senadores e senadoras do partido participaron este venres nun xantar de traballo no que aseguraron que o Goberno central "non cumpriu con ningún dos compromisos que tiña asumidos Galicia", tras a reunión de Pedro Sánchez co presidente da Xunta, Alfonso Rueda, o pasado 28 de xullo.

A secretaria xeral do PPdeG, Paula Prado, sinalou que "40 días despois" da reunión entre Sánchez e Rueda, "a resposta do Executivo central foi o silencio" e un "0 % de cumprimento" coa comunidade.

A popular sinalou que Sánchez comprometeuse a "apoiar os investimentos para as factorías e os proxectos de Stellantis, Altris e outras empresas fundamentais para o desenvolvemento económico da Comunidade", a "constituír mesas de seguimento para a situación caótica da A-6 tras o derrube do viaduto" e a entregar a Galicia os trens Avril, "que permitirían a chegada da alta velocidade a todas as cidades galegas".

Uns compromisos que, "con vontade política serían de cumprimento inmediato", pero que, con todo, segundo Prado, non se produciron.

Publicidade
Publicidade
Publicidade
Publicidade
Pódeche interesar