O PP implica a vicepresidenta terceira do Goberno na operación de rescate de Air Europa
Os populares din que o Executivo está acurralado pola xustiza
O Partido Popular advírtelle ao Goberno que está acurralado pola xustiza e augura que seguirán saíndo casos.
Os populares implican a vicepresidenta terceira do Goberno, Sara Aagesen, no rescate de Air Europa.
"Vostede é unha grande experta en rescates. No rescate de Air Europa formaba parte do comité de presuntos expertos para a súa aprobación. Un rescate récord en xenerosidade con diñeiro público, en opacidade e en rapidez. Vostedes rescatan empresas para o seu beneficio", dixo Alicia García, senadora do PP, na sesión de control ao Goberno.
"Asegúrolle que o meu traballo foi sempre, sempre, por e para o interese xeral. Asegúrolle que o que me guía é o interese xeral. E ao Goberno tamén", respondeulle Sara Aagesen, vicepresidenta terceira do Goberno.
