O mundo do ciclocrós descobre un paraíso nas Pontes

O circuíto do Lago das Pontes foi un descubrimento para o ciclocrós. Celebrouse no concello coruñés unha proba da disciplina de carácter internacional coa presenza de corredores de Bélxica. Italia ou Francia. E, por suposto, os mellores especialistas de España.

Unha corda de tres mil trescentos metros, sen asfalto, con terra, obstáculos artificiais, grava e area. Pedaleando a carón do lago, da praia fluvial. Un circuíto que emulaba aos grandes recintos de Países Baixos.

Na categoría feminina gañou a belga Laura Verschont, e no ámbito masculino o alacantino Felipe Orts non lle deu opción a ninguén. Dominou a carreira de principio a fin. Orts é a principal baza do ciclocrós español a nivel internacional.