O gol de Focareta garante a salvación do Coruxo
O gol de Focareta garante a salvación do Coruxo
Palomares adiantou o Bergantiños pouco antes do final, pero o gol do arxentino no 80' valeu o seu peso en ouro
O Coruxo garantiu a permanencia unha temporada máis na 2ª RFEF logo do empate acadado no campo das Eiroas diante do Bergantiños (1-1).
No primeiro tempo sucedéronse as ocasións para os dous equipos. O Coruxo estrelou dous remates contra os paus (Pitu e Al Watani) e o Bergantiños viu como se lle anulaba un gol (Tomé) e Sito Seoane perdoou unha opción clarísima.
No segundo tempo baixou o ritmo ofensivo pero chegaron os goles. No 75' o lateral Palomares sorprendía a Alberto Domínguez e deixaba o Coruxo pendente da última xornada. Pero no 80' apareceu Focareta para marcar o empate. Un gol que garante a permanencia do Coruxo logo da secuencia de resultados dos seus rivais.
