O G-20 de Roma acorda fixar o teito do quecemento global en 1,5 graos

A reunión do G-20 chegou en Roma a un consenso significativo en materia climática: fixar o teito do quecemento global en 1,5 graos. Os mandatarios tomaban a decisión despois de facer unha foto de grupo diante da fontana de Trevi.  

O obxectivo era chegar a unha postura común en relación ao cumio de Nacións Unidas para o Cambio Climático, que comeza este domingo mesmo en Glasgow. O paso adiante é significativo, malia que quedan numerosos temas pendentes relacionados cos combustibles fósiles e os cambios no modelo produtivo global.