O Deportivo quere seguir coa serie no Molinón (21h, TVG e AGalega.gal)
O mellor visitante da categoría está a rendibilizar ao máximo os goles no treito final
Agora que a Orquesta Mondragón está a celebrar o seu cincuenta aniversario, o Deportivo decidiu renderlle homenaxe cunha particular versión do Viaje con Nosotros. Os coruñeses buscarán no Molinón a súa décima vitoria a domicilio e confirmarse como o mellor visitante da categoría.
Enfronte terá un Sporting poderoso coma local con 29 puntos na casa onde só sufriu tres derrotas e que busca engancharse a zona de promoción.
Lembrar que no encontro da primeira volta o Deportivo venceu por un a cero cun gol de Barcia nos últimos segundos co que abría a temporada de suspense en Riazor.
Os de Hidalgo están amosarse temibles no treito final, con once goles nos últimos cinco minutos con valor de doce puntos.
