O Deportivo presenta alegacións polo cartón a Yeremay

O Deportivo presentou alegacións ao cartón amarelo que viu Yeremay Hernández no partido contra o Cádiz. Foi á media hora de partido cando o canario caeu na área e o árbitro interpretou que se deixou caer na área "simulando ser obxecto de infracción". 

O club presentou alegacións á redacción da acta para deixar sen consecuencias o cartón. O Deportivo achegou vídeos e unha secuencia de fotos como probas así como antecedentes desta mesma temporada noutros partidos e xogadas similares que non recibiron amonestación.

O cartón é o quinto do ciclo para Yeremay e de ratificalo o Comité non podería estar na convocatoria do vindeiro partido ante o Andorra.