O Deportivo agarda mellorar os números en Riazor diante do peor visitante

Antonio Hidalgo compareceu na sala de prensa de Abegondo para analizar o momento no que chega o Deportivo á cita deste sábado en Riazor fronte ao Éibar.

O preparador herculino falou das opcións que manexa ante a baixa de Giacomo Quagliata, dos motivos que hai para ser optimistas e recalcou que "o equipo está a cumprir co obxectivo marcado a principios de tempada".

"Noto a ilusión da afección e a presión. Chámao ansiedade por subir, subir e subir... É unha carreira longa entre moitos equipos. Cando abrazas a dificultade e es consciente diso as cousas ven máis tranquilas e de maneira obxectiva. Coruña é incrible, pero sabemos onde estamos".

"É un club que mete presión. É así".

A Riazor chega un Éibar que aínda non gañou un partido como visitante. O partido comeza ás 16:15, e será ofrecido pola primeira canle de TVG.