O Deportivo Abanca atopa premio á insistencia na última xogada

Na última xogada do partido e con certa dose de fortuna. O lanzamento de Sara Navarro petou na barreira e acabou sorprendendo a porteira do AEM Lleida, que ata ese intre se convertera na mellor xogadora do partido. 

Desa maneira acadou o gol do triunfo un Deportivo Abanca que o mereceu moito antes. Todas as ocasións do partido foron súas e só o desacerto nos remates e as grandes intervencións da porteira impediron unha vitoria clara.