O CIS dálle a vitoria ao PSOE nas eleccións europeas con 5 puntos de vantaxe sobre o PP
O CIS dálle a vitoria ao PSOE nas eleccións europeas con 5 puntos de vantaxe sobre o PP
Os socialistas revalidarían a súa maioría nacámara con entre 21 e 24 representantes e o PP sae reforzado con entre 18 e 20 eurodeputados
Segundo a enquisa preelectoral, Vox sobe, Podemos baixa, Ciudadanos derrúbase e Sumar conseguiría 4 representantes
O PSOE revalidaría a súa maioría no Parlamento Europeo con entre 21 e 24 escanos seguido por un PP moi reforzado e pisándolle os talóns, ao ter posibilidades de lograr entre 18 e 20 eurodeputados, segundo a enquisa preelectoral do Centro de Investigacións Sociolóxicas (CIS) dada a coñecer este xoves.
Vox tamén subiría na Eurocámara ao pasar de catro a cinco ou seis representantes, en tanto que Sumar obtería catro e Podemos conservaría entre dous e tres dos seis que obtivo en 2019 cando concorreu aos comicios xunto a Esquerda Unida. Ciudadanos derrubaríase ao pasar de sete a entre un e dous europarlamentarios.
As formacións republicanas agrupadas na candidatura Agora Repúblicas (ERC, EH Bildu, BNG e Ara Més) conseguirían de dous a tres eurodeputados, agora teñen tres.
Pola súa banda Junts i Lliures per Europa (JxCAT) quedaría con entre un e dous escanos (obtivo dous nas pasadas eleccións) mentres que a coalición Por una Europa Solidaria (PNV, Geroa Bai e CC, entre outros partidos) podería quedar fóra xa que o CIS augúralle de cero a un eurodeputado.
Como novidade, o CIS anticipa a entrada na cámara europea da candidatura Se acabó la fiesta, encabezada por Luis Pérez Férnandez, coñecido como Alvise nas redes sociais.
Todos os candidatos suspenden agás a socialista Teresa Ribera
A candidata do PSOE ás eleccións europeas, Teresa Ribera, é a única á que os españois darían un aprobado dos cabeza de lista que se presentan aos comicios ao Parlamento europeo, segundo a última enquisa preelectoral do Centro de Investigacións Sociolóxicas (CIS), coñecida este xoves.
Segundo a sondaxe, Ribera consegue unha nota media de 5,30; séguea de preto Dolors Montserrat, cun 4,50, e en terceiro lugar está a candidata de Sumar, Estrella Galán, cun 3,89.
Irene Montero (Podemos) recibe un 3,78; Tomás Guitarte (Coalición Existe) 3,58; Jordi Cañas (Ciudadanos) é puntuado con 3,61 de media, e Oihane Agirregoitia, que representa a
Coalición por una Europa solidaria, integrada por PNV, CC e o PI, puntuada cun 2,86.
Con 2,82 foi votada Diana Riba, candidata da coalición Agora Repúblicas -que agrupa a ERC, EH Bildu, BNG e Ara Més- e, Toni Comín, de Junts, un 2,58.
A mostra realizouse a partir de 6.534 entrevistas realizadas do 8 ao 17 de maio.
.jpg)
