O Celta pecha a renovación de Yoel Lago ata 2029
O canteirán disputou 29 encontros co Celta Fortuna en Primeira RFEF e sumou 10 partidos co Celta, incluídos dous na Copa do Rei
O R. C. Celta continúa firme na súa aposta pola canteira coa renovación de Yoel Lago. Un dos últimos talentos formados na Madroa asina co club da súa vida por catro tempadas máis.
A campaña 2024/25 quedará gravada para sempre na memoria do central, xa que tras un ano de crecemento continuo, Yoel deu o esperado salto ao primeiro equipo, onde deixou unha imaxe impecable. Cunha evolución constante, o canteirán disputou 29 encontros co Celta Fortuna en Primeira RFEF e sumou 10 partidos co Celta, incluídos dous na Copa del Rei.
Desde a súa chegada ao vestiario dirixido por Claudio Giráldez, Yoel non só adaptouse con naturalidade, senón que se converteu en parte activa da recente conseguida clasificación para a Europa League.
A súa renovación é un sinal claro do gran momento que vive a canteira celeste, cunha xeración que ilusiona, que soña e que fai soñar.
