Cuarto caso positivo de covid no Celta: Jeison Murillo

Esta mañá o Celta detectou tres positivos no seu cadro de xogadores. Tres positivos que se confirmaron xusto no último día de traballo, antes de iniciar as vacacións. Os tres futbolistas xa están illados nos seus domicilios.

Segundo puido saber a Televisión de Galicia, os infectados son 𝗕𝗿𝗮𝗶𝘀 𝗠é𝗻𝗱𝗲𝘇 (xa o tivera ao inicio da pretempada do 2020), 𝗕𝗲𝗹𝘁𝗿á𝗻 e 𝗡𝗼𝗹𝗶𝘁𝗼.

Terán que estar 10 días confinados, os tres chegarían moi xustos ao próximo partido.

No Celta non descartaban novos contaxios ao longo da semana. E acábase de confirmar o cuarto, Jeison Murillo. Aínda así, hai máis xogadores pendentes de probas e podería haber máis casos nas próximas horas.

O equipo retomará os adestramentos o día 27, coa vista posta no partido ante o Betis do próximo 2 de xaneiro.