O Celta busca a permanencia matemática en Granada
O equipo vigués está a dous puntos de certificar a salvación
Guaita volverá á portería, pero o técnico perde a Carler Pérez, Dotor e Cervi
Quedan dúas xornadas para que remate a Liga de Primeira División, e o Celta precisa dous puntos para estar matemáticamente salvado. Por iso os de Claudio Giráldez van a Granada coa intención de acadar unha vitoria que os deixe, unha temporada máis, na máxima categoría. Aínda quedaría a última xornada contra o Valencia, pero os vigueses non queren agardar máis, despois da importante vitoria do mércores contra o Athletic.
Claudio Giráldez, que agarda un partido complicado, confirmou que Guaita está recuperado, e que caen Carles Pérez, Dotor e Cervi. O técnico destacou un nome propio na previa: Williot Swedberg.
