O canteirán celeste Tincho Conde marcha con destino ao Castellón
Fixo a primeira parte da pretemporada ás ordes de Claudio Giráldez despois de completar unha gran campaña en 1ª RFEF
Tincho Conde (22 anos) realizou parte da pretemporada co primeiro equipo. Pero cando se incorporaron todos os efectivos baixou para seguir co traballo no Fortuna. O xogador e o club entenden que o seu periplo no filial rematou e buscaron unha saída. Non foi en forma de cesión. Será un traspaso ao Castellón que adquire os dereitos do xogador zurdo da canteira celeste.
Pertencía a unha xeración de ouro do cadro vigués, con Hugo Sotelo ou Hugo Álvarez. Moitos compañeiros deron o salto ao primeiro equipo da man de Claudio. Tincho quedou no filial e o ano pasado, o terceiro no Fortuna, foi un dos xogadores máis determinantes na categoría. 36 partidos, 35 deles como titular e catro goles son números que demostran o pequena que lle queda a Primeira Federación.
