O Camiño de Santiago e o de Kumano Kodo afianzan lazos ás portas do Xacobeo
Rueda e o gobernador da prefectura de Wakayama reuníronse esta mañá en Santiago
Ás portas do ano Xacobeo, o Camiño de Santiago e o de Kumano Kodo, no Xapón, afianzan a súa unión. Son as únicas rutas recoñecidas pola Unesco como Patrimonio Mundial e levan 28 anos irmandados.
O presidente da Xunta, Alfonso Rueda, e o gobernador da prefectura de Wakayama, Izumi Miyazakim reafirmaron está mañá ese vínculo. Máis de 20.000 persoas percorreron os dous camiños, o de Santiago e o de Kumano Kodo xaponés.
"Teñen distinto orixe e creza relixiosa pero comparten o máis importante: unha aposta polos valores, a tradición e crer que camiñar é unha forma de encontrarse a un mesmo. O ano que vén celebramos o Xacobeo e queremos que WaKayama e o Kumano Kodo, como camiño irmán, sexan unha parte importante desta celebración", salientou Rueda.