O Arousa gáñalle a un rival directo cun gol no 93

O Arousa gañoulle a un rival directo como o Marino de Luanco cun gol de Jorge Fajardo no minuto 93. Triunfo importantísimo para o Arousa que escapa da zona de perigo na que mete de cheo o seu rival. 

Logo dun mellor comezo asturiano chegou o gol de Mon Vives (minuto 17). Respostou o Marino que no 32 igualou o encontro co tanto de Borja Fernández.

O partido foi moi parello, con dominio local pero coas mellores ocasións para os visitantes. Parecía que ía rematar en empate cando Fajardo, que acababa de incorporarse ao partido, rematou un centro de Cotilla.