Real Sociedade e Oviedo, rivais do Negreira e do Ourense C. F. na primeira rolda da Copa
O Celta xogará en Asturias contra o Puerto de Vega
O Deportivo viaxa ata Castro Urdiales para enfrontarse ao Sámano
Haberá derbi galego no Couto entre a Unión Deportiva Ourense e o Pontevedra
O Rácing de Ferrol terá un desprazamento complicado ao campo do Langreo
Minuto a minuto
Desde as 13:00 teremos o sorteo da primeira rolda da Copa do Rei. O Negreira e o Ourense Club de Fútbol agardan un rival de Primeira División. Poden emparellarse a catro equipos: Celta, Alavés, Real Sociedade ou Oviedo. Tamén entran nesta primeira eliminatoria o Deportivo, o Rácing de Ferrol, o Pontevedra e a Unión Deportiva Ourense.
Xa se atopan os xogadores e o corpo técnico do Negreira agardando polo seu rival. Será un día histórico para a vila nicrariense
NEGREIRA - REAL SOCIEDADE
PUERTO DE VEGA - CELTA
OURENSE CLUB DE FÚTBOL - REAL OVIEDO
SÁMANO - DEPORTIVO
LANGREO - RÁCING DE FERROL
UD OURENSE - PONTEVEDRA
Xa coñecemos os sete emparellamentos dos equipos galegos na Copa do Rei. Un histórico como a Real Sociedade visitará o García Calvo de Negreira. O Ourense Club de Fútbol xogará no Couto contra o Real Oviedo. O Celta terá un desprazamento curto e xogará contra o Puerto de Vega asturiano, na fronteira con Ribadeo. O Deportivo irá ata Castro Urdiales para xogar contra o Sámano cántabro, o Rácing de Ferrol desprazarase a Langreo e haberá un derbi no campo do Couto entre a Unión Deportiva Ourense e o Pontevedra.
Javier Quiroga, director xeral do Ourense Club de Fútbol: "Preferiamos o Celta pero o Real Oviedo está preto. Moi ilusionados de volver recibir un equipo de Primeira División no Couto. É un orgullo e debemos valoralo".
Adrián Vázquez, adestrador do Negreira, logo do emparellamento coa Real Sociedade: "Para nós é espectacular. Tanto Celta como Oviedo estariamos encantados pero a xente quedou contenta co sorteo. A ver si conseguimos un cheo histórico".
