Morre Nicolás Redondo, histórico líder da UGT
Faleceu en Madrid aos 95 anos
Foi secretario xeral do sindicato entre 1976 e 1994, pero xa exercía como máximo responsable desde 1971
Durante unha década foi deputado socialista no Congreso
Morre o histórico sindicalista e político vasco Nicolás Redondo Urbieta. Tiña 95 anos.
Con 18 anos, traballando na metalurxia, afiliouse ao PSOE e á UXT, comezando así toda unha vida dedicada á defensa dos traballadores.
O actual secretario xeral, Pepe Álvarez, destacou de Redondo o seu compromiso, coherencia e valentía.
Afiliado ao PSOE e a UGT desde 1945, foi detido e procesado polo réxime de Franco en numerosas ocasións pola súa actividade política e sindical, que mantivo durante case medio século.
Estivo 23 anos á fronte da central uxetista, desde 1971 ata 1994, cando deixou paso a Cándido Méndez.
Membro da Comisión Executiva do PSOE entre 1970 e 1977, no congreso de Suresnes renunciou a lideralo en favor de Felipe González. Foi deputado no Congreso por Biscaia desde 1977 ata 1987, cando renunciou ao escano logo de votar en contra dos Presupostos Xerais do Estado do ano seguinte.
A oposición da UGT que el lideraba á política económica do Goberno socialista chegou ao punto álxido coa folga xeral de decembro de 1988, convocada canda a Comisiones Obreras. Convocoulle outras dúas.
Entre outras distincións recibiu a Gran Cruz da Orde do Mérito Civil ou a Cruz de Comendador da Orde do Mérito da República Federal de Alemaña e era oficial da Lexión de Honra do Goberno francés.
Reaccións ao falecemento
A UGT amosou o seu pesar pola morte de quen foi o seu líder.
💔#UGT lamenta el fallecimiento de Nicolás Redondo a los 95 años
— UGT (@UGT_Comunica) January 3, 2023
✊Secretario General entre 1976 y 1994
🗣️Figura imprescindible del sindicalismo en España durante la dictadura, la transición y en democracia.https://t.co/sZcU1wUBBo
O seu secretario xeral, Pepe Álvarez, lémbrao como un home comprometido, coherente e valente. E o de CC.OO, Unai Sordo, destaca que dedicou a vida á defensa dos traballadores.
Tamén se pronunciou o PSOE.
⚫ Hoy nos ha dejado Nicolás Redondo Urbieta.
— PSOE (@PSOE) January 3, 2023
Socialista y hombre que dedicó toda su vida a la lucha por los derechos de los trabajadores y de la ciudadanía.
Todo nuestro afecto a sus familiares y allegados.
Que la tierra te sea leve, compañero. pic.twitter.com/tefptM2hsh
A vicepresidenta segunda e ministra de Traballo, Yolanda Díaz, di que deixa atrás unha vida consagrada á defensa das persoas traballadoras, das liberdades e da democracia.
