Mario Rodríguez toma cumprida revancha cun dobrete ante o Ourense C. F.

O Compostela acaba a xornada como segundo clasificado co triunfo por 2-1 contra o Ourense C. F. O partido resolveuno o dianteiro Mario Rodríguez cun dobrete. 

No partido da primeira volta Mario mancárase de certa consideración e faltou durante varias semanas nas convocatorias do equipo de Fabiano Soares. Unha vez recuperado, está a ser o xogador máis determinante do Compos. Xunto a el estivo Jordan a gran nivel, dando os dous pases de gol ao dianteiro. 

O Ourense nunca deu o seu brazo a torcer. Ameazou cun disparo de Gabri Palmás ao traveseiro e acurtou diferenzas na segunda grazas á entrada de Amin, que fixo un centro rematado por Crespo cara á súa propia porta.