Marián Mouriño: "O CTA recoñeceu o seu erro e hai que aceptalo"
Onte o CTA sacou o comunicado sinalando o erro de Cuadra Fernández
O CTA di que o gol debeu ser válido porque o toque do defensor foi xogo voluntario
Hoxe compareceu ante os medio a presidenta do Celta Marián Mouriño, antes de partir con destino Salónica para enfrontarse ao PAOK na ida dos dezaseisavos da Europa League. A máxima responsable do club olívico valorou de forma positiva que o Comité Técnico de Árbitros recoñecese o erro de Cuadra Fernández na anulación do gol de Borja Iglesias por un fóra de xogo inexistente.
"É unha mágoa para o equipo porque sería un resultado diferente para nós. Dariamos ese paso na táboa e pasar ao Español".
"Neste caso prexudicounos e hai que aceptalo así, agradecerlles que o valoren, que o aceptaran e que tomen as medidas para que estas cousas non sigan pasando".
No comunicado sacado onte, o CTA di que, segundo a regra 11, o fóra de xogo, un xogador en posición adiantada non será sancionado se recibe o balón dun adversario que xoga voluntariamente o balón, o que implica que o xogador defensor debe ter control corporal pleno.
Para o CTA, o toque do defensor do español é xogo voluntario, xa que ataca o balón con pleno control corporal. Por tanto, o gol debeu subir ao marcador.
