Marco Garcés recoñece que o Celta quere a renovación de Tapia
Na súa presentación, o novo director deportivo do equipo vigués explicou as liñas mestras do proxecto que asume en Vigo
O novo director de fútbol do Celta, Marco Garcés, explicou na súa presentación as liñas mestras do proxecto que asume en Vigo, pero tamén abordou algunhas cuestións do momento actual de mercado, comezando por que hai varias ofertas por xogadores encima da mesa.
"Non me gustaría entrar en particulares porque afecta as posibilidades de éxito do mercado. No seu tempo, con gusto", dixo ao ser repreguntado sobre cales eran os xogadores polos que existen propostas.
Ademais, confirmou que hai conversas con Renato Tapia para a ampliación do seu contrato, que finaliza o próximo 30 de xuño, o que supón que é libre para negociar con outros clubs a día de hoxe.
"É un xogador importante para nós e faise máis importante co pasar das datas. Temos a negociación aberta e estamos esperanzados de que decida prorrogar a súa vinculación connosco".
Preguntado por Iago Aspas, desfíxose en eloxios ao moañés, falando da súa maxia e do privilexio que supón que o xogador de insignia dun club estea neste momento en activo.
