Loito no fútbol español polo falecemento do porteiro do Colindres

Raúl Ramírez, gardameta do Club Deportivo Colindres, equipo do grupo cántabro da 3ª Federación, faleceu este luns despois de sufrir un golpe fortuíto na cabeza no partido disputado polo seu equipo o pasado sábado ante o Revilla de Camargo.

Ramírez foi ingresado na UCI do hospital de Valdecilla, en Santander. O mozo xogador sufriu unha parada cardiorrespiratoria no propio campo e outra na ambulancia cando ía de camiño ao centro hospitalario onde faleceu este luns.