Koenen decide no último cuarto a terceira vitoria do Baxi

Nove puntos consecutivos de Taylor Koenen no último cuarto marcaron a diferenza no terceiro triunfo do Baxi Ferrol na temporada logrado na pista do Casademont Zaragoza (65-72).

Diante dun rival que lle sacaba tres triunfos o Baxi ofreceu a mellor versión da temporada. Foi un encontro igualadísimo como demostran os parciais: 21-21, 34-36 ao descanso e 53-55 no final do terceiro cuarto. No derradeiro mandaba Zaragoza (59-58) cando apareceu Koenen, que acabou con 19 puntos e 9 rebotes.