Javi Rueda recibe a alta e estará dispoñible para o Celta-Nacional, ofrecido pola TVG
O xogador malagueño levaba lesionado desde finais da tempada pasada, cando sufriu unha rotura fibrilar
O futbolista do Celta Javi Rueda recibiu a alta e estará dispoñible por primeira vez esta pretemporada, para o terceiro amigable do cadro celeste, este martes ante o Nacional da Madeira.
O xogador malagueño levaba lesionado desde finais da tempada pasada, cando sufriu nun adestramento co Albacete, onde estaba cedido, unha rotura fibrilar no recto anterior dereito que agora deixa atrás.
A recuperación de Rueda é a única novidade nun parte médico no que seguen outros catro futbolistas que serán baixas para o partido deste martes. Nun adestramento sufriu Iago Aspas unha sobrecarga no xemelgo dereito, mentres que Joseph Aidoo xa foi baixa en ambos os duelos por molestias no xemelgo dereito.
O encontro poderá seguirse pola TVG e por AGalega.gal
