Ibai Gómez, unha incorporación de renome para o Deportivo

O Deportivo pechou unha fichaxe desas que chaman a atención. Un xogador con máis de douscentos partidos en Primeira: Ibai Gómez.

Chega da liga de Irán, de xogar a Champions asiática e faino coa carta de liberdade. O currículo fala por el: canteirán do Athletic de Bilbao, debuta co primeiro equipo, sae do Alavés, onde fai dúas campañas moi boas, e despois volve ao Athletic. Extremo esquerdo desequilibrante, case 33 anos, xoga a perna cambiada porque a súa perna boa é a dereita. Chega para marcar diferenzas e axudar o equipo a volver ao fútbol profesional.