Hugo Mallo cre que non levar a Aspas á selección é pegar un tiro no pé

O capitán do Celta, Hugo Mallo, destacou esta tarde en conferencia de prensa a importancia do duelo ante o Atlético de Madrid do sábado, "como todos os de Primeira", aínda que partindo de que é un campo que non se lles dá ben:

"Imos coa máxima ilusión de gañar, facer un bo traballo e sacar os tres puntos"

 

 

Mallo referiuse tamén á máis que probable ausencia de Iago Aspas no Mundial despois de tres anos:

"Luis Enrique ten a súa idea. Os números de Iago son estratosféricos. O que non sexa que estea na lista é complicado de entender para o afeccionado ao fútbol. Se non está na lista sería pegar un tiro no pé".

Outro nome propio polo que se lle preguntou foi o de Gabri Veiga:

"Leva tempo dando pasos de xigante. Está chamado a ser o substituto dos Iago, Hugo e compañía. A curto ou medio prazo debería dar alegrías. Tamén hai que ter calma e axudalo a medrar".