Publicador de contidos
Publicador de contidos

Hugo Álvarez lidera a remonta que vale a permanencia virtual do Celta

Hugo Álvarez lidera a remonta que vale a permanencia virtual do Celta

Deu unha asistencia no primeiro gol e asinou o golazo que significaba o 2-1

Saíu no segundo tempo xunto con Iago Aspas e Mingueza

G24.gal 16/05/2024 12:20 Última actualización 16/05/2024 15:26

A explosividade do canteirán Hugo Álvarez, que asinou o espectacular gol da vitoria, liderou este mércores en Balaídos a remontada do Celta ante o Athletic (2-1), un triunfo co que o equipo celeste roza a permanencia en LaLiga EA Sports, pois ten cinco puntos de vantaxe sobre a zona de descenso a falta de dúas xornadas para a conclusión do campionato.

Claudio Giráldez fixo tres cambios no descanso. Meteu a Iago Aspas, Mingueza e Hugo Álvarez. Todo foi distinto para o seu equipo, a actitude, a velocidade, o empuxe. O Celta foi outro. Dominou e encerrou ao Athletic. Tivo quince minutos explosivos, con protagonismo para Larsen, que mandou un cabezazo ao traveseiro, revolveuse con perigo varias veces pola área pequena, probou con algún centro ameazante.

Foron tres minutos máxicos: Williot Swedberg empatou ao rematar un centro de Hugo Álvarez, Larsen probou pouco despois a Agirrezabala cun disparo e acto seguido Hugo Álvarez culminou a remontada cun golazo desde fóra da área.

"Moi contento. No gol pegueille como puiden. Tiven a sorte de que entrou... e moi contento".

Foi a éxtase en Balaídos, osíxeno para celebrar case a permanencia.

Publicidade
Publicidade
Publicidade
Publicidade