Fran Justo quere darlle continuidade á boa serie do Lugo

O Lugo recibe mañá o Sporting de Xixón no Anxo Carro (16:15 horas). A Fran Justo non lle importa xogar dous partidos de xoves a domingo. Todo o contrario do que á maioría dos adestradores. O técnico ourensán non descarta algunha modificación e resalta a confianza que ten o Lugo na procura de seguir escalando na táboa.

O cadro lucense empatou contra o Levante na estrea do técnico e acaba de conseguir un triunfo en Santander que o achega moito á permanencia. No Lugo queren prolongar ese bo estado anímico e derrotar un equipo que tiña como obxectivo pelexar polo ascenso á Primeira División.