Fer López confésalle á Televisión de Galicia o seu soño: "Xogar en Primeira co Celta"

Fer López apostou forte polo Celta. Renovou ata 2028 a pesar de que tiña ofertas doutros equipos importantes. "O meu soño era xogar en Primeira co Celta. Díxenllelo a meus pais e a prioridade sempre foi esa", confesou nunha entrevista coa Televisión de Galicia. 

O vigués aprecia o cambio de rumbo desde a chegada de Giráldez, o seu técnico no Fortuna a temporada pasada: "Ver que o club e o adestrador apostan pola canteira faiche abrir os ollos e esixirte máis. Se estás preparado e facendo as cousas ben vaiche chegar a oportunidade", asegurou Fer López.