O Celta estrélase contra os paus (0-0)
Larsen e Carles Pérez tiveron dúas grandes ocasións, pero mandaron o remate ao poste
O colexiado anulou un gol a Jailson por falta anterior e Aspas pediu penalti no engadido
Claudio Giráldez falou tras o empate fronte ao Raio Vallecano, un resultado que non deixa satisfeitos nin os galegos nin os madrileños.
"A sensación é a de que se van dous puntos"
Minuto a minuto
Protagonistas en Balaídos. Estrea de Claudio como adestrador do primeiro equipo, entradas esgotadas ... Un partido no que o Celta pode dar un paso de xigante para a permanencia. O triunfo do Cádiz obriga aos celestes
Xa temos o equipo do Celta. Entra Starfelt por Unai e Manu Sánchez no lugar de Manquillo. Pasará Hugo Álvarez á banda dereita? O resto, os mesmos que gañaron diante do Sevilla
Equipo do Raio Vallecano! O equipo madrileño está só dous puntos por riba do Celta
Comeza o partido en Balaídos!!!!
Tiro de Bamba que toca nun defensa e acaba en córner. Primeiro achegamento!!
Isi caza un balón na área e remata alto
Perde Hugo Sotelo o balón no centro do campo e Álvaro García a piques está de aproveitalo. Obstaculizouno Carlos Domínguez cando entraba na área
Mancado na xogada anterior Álvaro García. Entra Andrei no seu lugar
Outro erro na saída, desta volta de Starfelt, e o Raio volve saír con moita velocidade. Ten que mellorar o Celta no inicio das xogadas
Chega pola dereita Iago Aspas e remata moi cruzado. Había tempo que o Celta non pisaba a área do Raio
Fabrica Isi Palazón a xogada e acaba rematando De Frutos. Chapou Guaita ben colocado
Ao posteeeee!!!!! Remate de cabeza de Larsen que peta no pau e saca Dimitrijevski de dentro
El pie de @Dimitrievski1. 😯#LALIGAHighlights | #LALIGAEASPORTS pic.twitter.com/DkeYmWSeML
— LALIGA (@LaLiga) March 31, 2024
Chegamos ao descanso logo de tres de engadido. Poucas ocasións no partido, a mellor unha cabezada de Strand Larsen que foi ao poste
Comeza o segundo tempo!!! Entrou Tapia no lugar de Starfelt
Proba Pacha Espino desde a esquerda e volve chapar con seguridade Guaita
Recupera o Raio no centro do campo e busca sorprender a Guaita cun tiro de 40 metros que se vai desviado
Defende moi duro o Raio Vallecano. O Celta controla o partido pero é incapaz de xerar perigo
Jailson e Carles Pérez ao campo. Marchan Bamba e Hugo Sotelo
Gol anulado a Jailson por suposta falta anterior de Carlos Domínguez. Cartón amarelo a Aspas por protestar e vermello a Róber Fernández, axudante de Giráldez
Andriu Ratiu remata cruzado. Está o equipo e o público alporizado co colexiado Hernández Hernández
Remate parabólico de Isi Palazón que vai por riba do traveseiro. Marcha Strand Larsen e entra Douvikas. Máis madeira para o ataque do Celta
Taaaapia!!!!! Que remate de cabeza pero marcha a rentes do pau. Que ocasión tan clara!!!
Outra cabezada, desta volta de Douvikas, que vai preto do poste. O Celta acariña o gol
Bebé entra pola esquerda, remata duro pero moi desviado
Pide penalti Aspas por unha caída diante do Pacha Espino. Outro cartón vermello ao banco do Celta
Ao longueiroooooo Carles Pérez na última xogada do partido. Tivo o Celta o triunfo no engadido!!!!
Rematou o partido en Balaídos. Polémica polo gol anulado a Jailson e un penalti non asubiado a Aspas. Dará moito que falar a arbitraxe de Hernández Hernández
