Detido un galego cando tentaba introducir en Biscaia dous quilos de cocaína oculta nun coche
A operación da Garda Civil permite cortar unha das rutas de entrada de cocaína en territorio biscaíño procedente de Galicia
Detido un home de Pontevedra cando tentaba introducir en Biscaia dous quilos de cocaína oculta nun coche.
A operación da Garda Civil permite cortar unha das rutas de entrada de cocaína en territorio biscaíño procedente de Galicia.
A Garda Civil detivo un home residente na provincia galega de Pontevedra cando tentaba introducir na marxe esquerda da ría, en Biscaia, dous quilos de cocaína que ocultara no oco do filtro de aire dun vehículo. Con esta intervención cortouse unha das rutas de entrada de cocaína en territorio biscaíño procedente de Galicia.
A investigación, desenvolta no marco da operación Rainman II, iniciouse fai tres meses cando o agora detido foi identificado nun control da Garda Civil de Cantabria a bordo dun vehículo en que se atoparon dous ocos ocultos de gran capacidade, coñecidos no argot como caletas, para o transporte seguro da droga. Naquela ocasión non se acharon substancias ilegais.
As investigacións continuaron e agora permitiron descubrir un vehículo de alugueiro en que o detido, tras manipular a carcasa do filtro do aire, substituíra este por dous paquetes que, tras ser sometidos aos reactivos, deron positivo en cocaína cun peso total de 2.250 gramos.
Os axentes lograron localizar a droga ao achar dúas pezas metálicas ocultas en dous ocos diferentes do vehículo e que ensamblan perfectamente entre elas para formar a ferramenta definitiva que encaixa nos parafusos de suxeición da carcasa do filtro de aire, que xa presentaban signos de manipulación.
O operativo desenvolvido pola Garda Civil do País Vasco e Cantabria permitiu a detención deste veciño de Pontevedra, e cortouse unha das vías de entrada de cocaína procedente de Galicia.
