Denuncian o estado de insalubridade dun inmoble abandonado da Coruña

A gran casa das pombas, así coñecen os veciños dos Castros este inmoble abandonado. O caso é que o inmoble leva unha morea de anos abandonado e en avanzado estado de deterioración. De feito, a cuberta sufriu unha rotura e moitos cristais das ventás caeron... e precisamente por eses buratos é por onde se meten as aves.

E consideran que é un importante foco de infección. Contan que nos últimos anos a única medida que se tomou foi a instalación dunha estada. Pero tanto os veciños coma os comerciantes da zona esíxenlle ao Concello que tome cartas no asunto de xeito urxente.