Cortada ao tráfico parte dunha rúa no barrio vigués de Teis polo risco de derrubamento dun edificio
A casa afectada presenta a fachada desprazada debido á afectación por unhas obras próximas
google maps
O risco de derruba da fachada dun edificio obriga a cortar a circulación nun treito da rúa Santa Tegra, no barrio de Teis, en Vigo.
O edificio afectado, de baixo e primeiro piso, sitúase no número 49 da rúa e presenta a fachada desprazada debido á afectación por unhas obras próximas.
Ata o punto desprazáronse ao mediodía deste luns efectivos dos bombeiros de Vigo, para verificar a estabilidade e a seguridade estrutural do inmoble.
Para garantir a seguridade, estableceuse un perímetro de seguridade con valos e cortouse o tráfico rodado no tramo de rúa afectado, ademais de sinalizar e asegurar a zona.
Fontes municipais trasladaron que xa existe unha empresa contratada para a demolición "inminente" do inmoble.
Con todo, persoal do servizo de Urbanismo desprazarase á zona “á maior brevidade” para realizar unha nova inspección.
